|
|
|
出得o黎行，預o左要還！
劉晨 |
|
|
美 國 經 濟 長 期 透 支 ， 跌 一 舖 勁 o既 可 能 性 非 常 高 。 出 得 o黎 行 ， 預 o左 要 還 ！ 美 國 呢 二 十 年 ， 國 家 以 至 國 民 好 多 都 係 先 使 未 來 錢 ， 使 到 平 均 每 個 家 庭 欠 債 400萬 港 元 ， 若 果 以 一 家 四 口 計 算 ， 即 係 每 人 身 負 100萬 港 元 ， 負 債 襟 得 還 。 由 於 美 國 人 o既 儲 蓄 係 零 或 者 負 數 ， 呢 D債 有 排 都 還 唔 晒 ， 甚 至 越 欠 越 多 。 以 美 國 經 濟 ， 就 算 還 唔 還 到 債 ， 點 都 要 死 一 次 ， 事 關 好 多 國 家 已 經 唔 係 咁 信 美 元 。 中 國 已 經 有 行 動 。 出 得 o黎 行 ， 預 o左 要 還 ！ 呢 個 世 界 無 借 錢 唔 使 還 咁 筍 ， 頂 龍 係 俾 你 拖 多 幾 年 遲 D還 。 不 過 美 國 咁 窮 ， 淨 係 識 得 印 銀 紙 去 還 債 ， 美 元 匯 價 不 但 會 持 續 貶 值 ， 仲 會 要 用 低 息 減 輕 國 家 同 國 民 呢 D債 仔 o既 負 擔 。 美 國 經 濟 唔 好 ， 美 元 息 口 長 期 低 企 ， 大 家 應 該 有 心 理 準 備 ！ 美 國 息 口 都 幾 難 大 幅 上 升 ， 咁 有 聯 繫 匯 率 制 度 o既 香 港 ， 息 口 亦 會 低 企 ， 若 果 通 脹 高 高 在 上 ， 更 會 出 現 負 利 率 現 象 ， 並 且 會 長 期 存 在 。 通 脹 高 企 ， 就 要 搵 投 資 項 目 去 做 對 沖 ， 實 物 投 資 係 其 中 一 個 比 較 好 o既 方 法 。 到 時 香 港 o既 樓 市 亦 變 得 非 常 有 投 資 價 值 ， 持 有 香 港 樓 ， 可 能 賺 到 嘔 (唔 兌 換 非 美 元 計 )。 美 國 負 債 還 不 清 ， 銀 紙 狂 印 不 會 停 ， 香 港 勢 現 負 利 率 ， 買 樓 對 沖 莫 留 情 。 |
|
|
|
